детско - юношеская библиотека

«Ән жырым саған, туған жер!»

өнер кеші

Ән әлемінде өзіндік орны бар, Қазақстанның халық әртісі, Қазақстан Республикасының Мемлекеттік сыйлығының иегері, Қырғызстанның Халық артисі, композитор, атақты әнші Алтынбек Қоразбаев ағамыздың шығармашылығын кеңінен насихаттау мақсатында, Д. А. Қонаев атындағы Жамбыл облыстық балалар мен жасөспірімдер кітапханасы «Ән жырым саған, туған жер!» өнер  кешін өткізді.

Мерекелік кешке қатысқан облыстық филармония әншісі, «Ән-жырым саған, туған жер!» атты республикалық байқаудың жеңімпазы - Жанна Асанқұлова «Елге сәлем», «Қазақстаным» әндерін орындады, байқаудың ерекшеліктері  жөнінде мағұмат берді. Ал, №33 мектептің музыка пәнінің мұғалімі Баймаханов  Жамбыл Тұрғанбекұлы А. Қоразбаевтың шығармашылығына тоқталып, баянмен  «Ақ дегелек» әнін орындады. Сондай-ақ, әріптесіміз Маржан Төрежанова Алтынбек Қоразбаевтың қазақ халқына танылған шәкірттері жайлы айтып, домбыра үнімен «Сағындым Алматымды» әнін шырқады.

Шара соңында «Халық композиторы – Алтынбек» тақырыбындағы  кітап көрмесіне библиографиялық шолу жасалды. Көрмеге Алтынбек Қоразбаев ағамыздың шығармалары жайлы кітаптар:

Ақыш Н. Алтынбек Қоразбаев [Мәтін] / Н.Ақыш -Алматы: «Балауса баспасы», 2003.-140 б., Қоразбаев А. Ән-жырым саған, туған жер [Мәтін] / А.Қоразбаев-Алматы: «Өнер» баспасы, 2007.- 392 б. Қазақ әндері [Мәтін] -Алматы: «Атамұра», 2014.-432 б., Әнім сенсің [Мәтін] - Алматы: «Өнер», 1993.-224 б. т.б. мерзімді басылым беттерінен алынған материалдар қойылды.

joomlamodniyportal.ru