детско - юношеская библиотека

«Халыққа кітап даналығын сыйлаймыз» байқау

 

Кәсіби шеберлікті арттыру, жас мамандардың шығармашылық жетістіктерін айқындау, жұмыстың жаңа формалары мен әдістерін енгізуге ықпал ету, ұжымда позитивті жұмыс дәстүрін қалыптастыру, кітапхана мен оның қызметкерлерінің имиджін нығайту мақсатында кітапханада «Халыққа кітап даналығын сыйлаймыз» атты байқау өткізілді.

 

Байқауға қатысуға білім деңгейіне, жұмыс өтіліне, лауазымына қарай Жолбаева Н., Мелдеева М., Сүйінтаева А., Шымырбаева А., Сапарбекова А. сияқты бес жас кітапханашы таңдап алынды.

Байқау «Біздің мамандық – талпыну мен ізденіс», «Мен кітапханамды мақтан етемін», «Сегіз қырлы – бір сырлы» және «Өз мамандығының майталманы» атты төрт кезеңнен ұйымдастырылған. Қатысушылар өз-өзін таныстырып, кітапхана ғимараты, кітапхананың ішкі келбеті, кітап көрмелері көрсетілген слайд-саяхат жасап, өздерінің жан-жақты өнерлерін ортаға салды. Ал сұрақ-жауап кезеңінде кәсіптік білімдерін көрсетті. Кәсіби шеберлік байқауда қатысушының сөзінің мағынасына, шығармашылық қабілеттеріне, жан-жақтан ашуына, тапқырлығына, аңғарымпаздығына, ұсынылған жұмыс формалары мен әдістердің инновация деңгейіне қарай бағаланды.

Кәсіби шеберлік сайысы «Үздік кітапханашы», «Кітапханалық инновациялар лидері», «Креативті кітапханашы» номинациялары бойынша үздік қатысушыларды анықтады. Женімпаздар дипломмен марапатталып, естелікке бағалы сыйлықтар алды.

joomlamodniyportal.ru