«100 кітап» жобасы «Әлем әдебиетінің жауһарлары» кітап карнавалы

«100 кітап» жобасы

«Әлем әдебиетінің жауһарлары» кітап карнавалы

«Рухани жаңғыру» бағдарламасы, «Рухани қазына» кіші бағдарламасы жобалар мен іс-шаралар реестірінде бекітілген «100 кітап» жобасы аясында жастарды кітап оқуға тарту, оқырмандардың мәдени және рухани білімін көтеру ақын-жазушылардың шығармашылығын насихаттау мақсатында «Әлем әдебиетінің жауһарлары» тақырыбында кітап карнавалы өтті.

Кітап карнавалының қонақтары – ақын Ғайни Әлімбекова, Бақытжан Әлімқұлов, Құрманғазы Демешевтар қатысып, рухани жаңғыру жолында жастардың атқарар міндеттерінің орны орасан зор екенін, ол үшін жастар білімді болу керектігін, кітапхана – рухани ордасы екенін ерекше атап өтіп, жастарды оқуға шақырды.

Кітапхана қызметкерлері 100 кітапқа енген шығармалар желісі бойынша киініп, М.Жұмабаевты, С.Торайғыров, Қ.Жұмаділов, А.Құнанбаевтың жастарды оқуға шақырған патриоттық өлеңдері оқылып, М. Мақатаевтың «Аққулар ұйықтағанда» поэмасынан көрініс көрсетілді. Сондай-ақ, кітапхана қызметкерлері «Ертегілер елінде» желісі бойынша киініп, қазақ-әлем әдебиетінің ертегілері желісімен көріністер көрсетіп, көрермендерге 100 кітап тізіміне қосылуға шығармалар бойынша Қожанасыр қоржынынан сұрақтар қойып, жақсы жауап берген оқырмандарға тәттілер мен сыйлықтар үлестірді.