Кто на сайте
Сейчас 45 гостей и ни одного зарегистрированного пользователя на сайте
Д.А. Конаев
Қазақстан - Ұлы Дала Елі
Одна страна-одна книга
Мы на страницах СМИ
| 
| Просмотров: 562Тілегіміз – татулық, тірегіміз – тұрақтылық
Жамбыл облыстық балалар мен жасөспірімдер кітапханасының мерзімді басылымдар секторының меңгерушісі А.Баймағамбетова мен М.Әуезов атындағы №33 орта мектебінің кітапхана меңгерушісі А.Бегимбаеваның ұйымдастырумен Қазақстан халқы Ассамблеясының 20 жылдығы мен 1-мамыр Қазақстан халықтарының бірлігі күні мерекесі қарсаңында «Қазақстан-татулық пен бірліктің ордасы» тақырыбында мектеп оқушыларының қатысуымен кеш өткізілді.
Кітапханашылар кеш қонақтарын Қазақстан халқының ынтымағы мен бірлігі мерекесімен құттықтап, түрлі ұлттардың басын қосқан ұлы мекенде 20 жылдық тарихы бар Қазақстан халқы Ассамблеясының қарқынды дамып, елеулі өзгерісті басынан кешіргенін, бүгінде ешбір елде болмаған ерекше саяси құрылым екенін балаларға насихаттап, еліміздегі бірлік пен келісімнің бесігі, тұтастық пен тұрақтылықтың құтты шаңырағы екенін көрсететін балалар шығармашылығы көпшілік назарына ұсынылды. Жас оқырмандар достық туралы өлеңдер оқып, түрлі ұлттардың өнерлерін, тарихын, салт-дәстүрін, мәдениетін айшықтап, көрерменнің ыстық ықыласына бөленді. Сондай-ақ «Тілегіміз – татулық, тірегіміз – тұрақтылық» кітап көрмесіне шолу жасалды.
Кәсіподақ Жаршысы.-2015.-15 мамыр (№9).-2 б.
Comments | | Просмотров: 610ЕРЛІГІ ЕЛГЕ ӨНЕГЕ, ЕР БАУЫЖАН!
Облыстық балалар мен жасөспірімдер кітапханасында кітапханашы Анар Дүйсенова мен «Мейірім» мектеп-интернатының кітапханашысы Карима Мажиттің ұйымдастыруымен Жеңістің 70 жылдығына арналған Ұлы Отан соғысы қаһарман қолбасшысы Бауыржан Момышұлына арналып «Ерлігі елге өнеге, ер Бауыржан» тақырында әдеби кеш өтті.
Әдеби кешке «Мейірім» мектеп-интернатының 6-сынып оқушылары қатысты.
Кітапханашы Анар Дүйсенова аты аңызға айналған жауынгер жазушы Бауыржан Момышұлының қайталанбас ғажайып сырға толы өмір жолы, соғыстағы ерліктері, шығармашылық табыстары туралы баяндады. Одан кейін жас оқырмандар Бауыржан туралы көрген кинолары мен оқыған кітаптары туралы ойларымен бөлісті. Кеш соңында «Ерлікке тағзым» атты кітап көрмесіне шолу жасалды.
//Ғұмырдария.-2015.-7 мамыр (№09). -2 б
Comments | | Просмотров: 538Өмірімнің шуағы
Жамбыл облыстық балалар мен жасөспірімдер кітапханасының ұйымдастыруымен «Ана-өмірдің шуағы» атты ардагер аналармен кездесу кеші өтті.
Ақ жаулықтардың құрметіне ақ дастархан жайылып, жырдан шашу шашылған кеште Тараз қалалық ардагерлер кеңесінің төрағасы Жақсылықбай Тәжібаев, белгілі қоғам қайраткері Жандар Кәрібаев, ардагерлер жанынан ашылған «Жан қуатым» тобы мен Ассамблея мүшелері болды. Іс-шараның шымылдығын Тараз қалалық ардагерлер кеңесі төрағасының орынбасары Күләш Әбдікешова ашты. Кеш барысында «Өмірде ана бұлақ, ана пана, Өмірді өркендетер ана ғана» тақырыбында кітапхана көрмесі жиналғандардың назарына ұсынылды. Онда Ұлы Отан соғысы жылдарында тылда еңбек етіп, 1962-ші жылдан 1999-шы жылға дейін №1 тараз қалалық балалар ауруханасында дәрігер-педиатр болып қызмет атқарған, қалалық ардагерлер кеңесінің төрайымы Гүлнұр Губайдулина, 1941 жылы Ұлы Отан соғысы майданында медбике қызметін атқарған Зоя Мамедова, және «Алтын алқа» иегері Ақшакүл Тасыбаева, үш бала тәрбиелеп өсірген аяулы ана Хура Муминова кеш төрінің құрметті қонақтар9ы болды. Ақ жаулықты, ардақты аналар өрбіткен өнегелі әңгімелер жиналғандарды ойға қалдырды. Сондай-ақ, ТарМПИ профессоры, физика-математика ғылымдарының кандидаты, ҚР білім беру ісінің Құрметті қызметкері Күлжамила Жолдасқызының «Өмірімнің өрнектері» атты кітабының тұсау кесу рәсімі өтіп, жиналған барлық аналарға сый-сияпат көрсетілді.
Құралай Сейсенбекқызы
Жамбыл-Тараз.-2015.-04 наурыз (№10).-8 б.
CommentsПереключатель языков
Библиотека в социальных сетях:
www.screenreader.tilqazyna.kz
