Д.А. Қонаев атындағы облыстық балалар мен жасөспірімдер кітапханасының ұйымдастыруымен «Интеллектум» балалар клубы аясында №13 бөбекжай-бақшасында балаларға арналған «Ер Төстік» Story Time квест-шоуы өткізілді.

Іс-шараның мақсаты – балаларды қазақ халық ертегілерімен таныстыру, ұлттық әдеби мұраға қызығушылығын арттыру, ертегі кейіпкерлері арқылы қиялын, есте сақтау және логикалық ойлау қабілеттерін дамыту.

Шара барысында балаларға «Ер Төстік» ертегісі таныстырылып, мультфильмнен үзінді көрсетілді. Балалар ертегі кейіпкерлерін танып, «Шалқұйрықты тап», «Кейіпкерді көрсет», «Сиқырлы сандық» сияқты қызықты ойындар мен қимылды тапсырмаларға белсенді қатысты.

Іс-шара соңында балаларға ертегі кітаптарын оқудың маңызы түсіндіріліп, көңілді ойындар арқылы жағымды көңіл күй сыйланды.

joomlamodniyportal.ru