детско - юношеская библиотека

Жамбыл облыстық балалар мен жасөспірімдер кітапханасының ұйымдастыруымен 2017 жылдың 12-ші қаңтарында көрнекті мемлекет қайраткері Дінмұхамед Ахметұлы Қонаевтың туғанына 105 жыл толуына орай, «Ғасырдың дара перзенті» тақырыбында тұрақты кітап көрмесі қойылды. Көрме сегіз бөлімнен тұрады: «Қонаев ғасыр адамы», «Елім деп өткен Димекең», «Димаш Ахметұлы – өз халқының болашағы үшін көп еңбек сіңірген адал ұлы», «Заманымыздың заңғар ұлы», «Ұлтымыздың мақтанышы», «Ұлттың рухани ұстазы», «Кемеңгермен кездескенде», «Текті әулет». Көрмеге Нұрғиса Тілендиев атындағы мектеп интернатының оқырмандары және ұстаздары қатысты.

Аса көрнекті мемлекет және қоғам қайраткері Дінмұхамед Ахметұлы Қонаевтың туғанына 105 жыл толуына орай Жамбыл облыстық балалар мен жасөспірімдер кітапханасы оқырмандарға «Ұлтының рухани ұстазы» атты (Д.Қонаев атындағы халықаралық қорына) саяхат ұйымдастырды.

Алаш үкіметінің құрылғанына 100 жыл толуына орай Жамбыл облыстық балалар мен жасөспірімдер кітапханасының ұйымдастыруымен «Алаш арыстары» атты тарихи-бенефис өткізілді. Іс-шараның мақсаты: балаларға Алаш арыстарын таныстыра отырып, отаншылдыққа, елжандылыққа тәрбиелеу. Отанға, туған жерге деген сүйіспеншілігін арттыру.