детско - юношеская библиотека

  Жамбыл облыстық балалар мен жасөспірімдер кітапханасында жалпы оқырман қауымын қазақ жерінің кіндігіне айналған Астана тарихымен таныстыру, Астана мемлекетіміздің биік мәртебесі, жоғары дәрежесі, елдік пен тұтастықтың, бірліктің тұтқасы екендігін таныту, Астана қаласымен мақтануға тәрбиелеу және Елордамыздың туған күнін атап өту мақсатында Қазақстан Республикасы Тәуелсіздігінің 25 жылдығы шеңберінде кітапхананың ұйымдастыруымен 6-шілде Астана күніне арналған «Мәңгілік елдің Елордасы» тақырыбында кітап көрмесі ұйымдастырылды. Кітап көрмесі «Елбасы және Елорда», «Мәңгілік Елдің арқауы - Елорда», «Шабытыма қанат берген Астана», «Астана-кемел істердің алтын тұғыры», «Мерейі асқақ Қазақстан» атты Астана жайлы толықта тың ақпарат беретін кітаптар топтамасы қойылған 5 тақырыптық бөлімнен тұрды. Көрменің мақсаты: Астана туралы тарихи мәлiметтердi ұрпақтан-ұрпаққа жеткізу ісіне үлес қосу және өскелең ұрпақты отансүйгіштікке баулу, сол арқылы ұлттық сана-сезімнің қалыптасуына ықпал ету болып табылады. Оқырмандар назарына Елордамыздың тарихы мен бүгінгі болмысынан сыр шертетін әдебиеттер қойылған. Аталған кітап көрмесіне күнделікті келген оқырмандар мен кітапхана қызметкерлері қатысып, кітап көрмесіне шолу жасалды. Көрмеге Елордамыз Астана туралы кітаптар, Н. Ә Назарбаевтың кітаптары, басылым беттерінен алынған материалдар қойылды.