детско - юношеская библиотека

„ Кітап - әлемдегі құпиялы ұлы ғажайыптардың бірі. Ол - ақылына ақы сұрамайтын алтын қазына.

Қазіргі уақытта бүлдіршіндер мен жасөспірімдерге кітап оқуға толық мүмкіншілік тудырып отырған облыстық балалар мен жасөспірімдер кітапханасында 104 мыңнан астам кітап қоры бар. Әрбір оқырманына әлемнің таңғажайыптарын ұсынудан жалықпайтын мекеме қызметкерлері облыс әкімдігінің мәдениет, архивтер және құжаттама басқармасымен бірлесіп, оқырмандармен ауқымды мерекелік шара ұйымдастырды. Қоғам мен кітапхана арасындағы байланысты нығайтуға арналған сиқырлы кітапхана түніне 200-ден астам жасөспірім қатысты. Алдымен кітапхана алдындағы алаңда салтанатты ашылу рәсімі өтіп, онда жас өнерпаздар келушілерге әннен шашу шашып, флешмоб биледі. Ел Тәуелсіздігінің 25 жылдығына орай ұйымдастырушылар әртүрлі жанрды бір кешке сыйдырды.

Облыстық балалар мен жаөспірімдер кітапханасының ұйымдастыруымен Тараз қаласында ел Тәуелсіздігінің 25  жылдығына  арналған «Тәуелсіздік тарихы-ел тарихы» атты апталық өтуде. Аталған апталық аясындағы «Асқақтай бер, айбынды елім!» атты әдеби-сазды концерттік бағдарлама Желтоқсан оқиғасының құрбаны, Халық қаһарманы Қайрат Рысқұлбековтің ескерткіші алдында өткізілді.

Тұғыры биік Тәуелсіздігіміздің ширек ғасырлық мерейтойына да аз уақыт қалды. Ұлық мерекеге орай, қала көлемінде түрлі патриоттық іс-шаралар лек-легімен өткізілуде. Соның бірі облыстық балалар және жасөспірімдер кітапханасының ұйымдастыруымен өткен «Асқақтай бер, айбынды Қазақстан!» атты мерекелік тартуын айтуға болады.

Ән-күймен өрнектелген іс-шараны ақпараттық-библиография секторының қызметкерлері Жанар Тәттімбетова мен Гүлсім Мамырова жүргізді. Ы.Сүлейменов атындағы №37 орта мектебінің 7-ші сынып оқушылары мен аталмыш кітапхана қызметкерлері қатысты.