детско - юношеская библиотека

Жамбылская областная

Сайтта кім бар

Қазір 87 қонақ және Бірде бір тіркелген қолданушы жоқ сайтта отыр

1004687
Сегодня
Вчера
На этой неделе
На прошлой неделе
В Этом месяце
В прошлом месяце
Всего
1240
2859
6306
8471
22175
982433
1004687
Ваш IP: 3.238.62.119
Время на сервере: 28-03-2024 09:08:11

Д.А. Қонаев

Қазақстан - Ұлы Дала Елі

Бір ел-бір кітап

Біз ақпарат беттеріндеміз

«Дін төңірегіндегі әңгіме»

 

Бүгінде жастарымыздың діни сауатын арттыру үшін қоғам жұмыла жұмыс жасауда. Осы орайда Д.Қонаев атындағы облыстық балалар мен жасөспірімдер кітапханасы «Дін және жастар» тақырыбында сала мамандарымен кездесу өткізді.

 

Діни экстремизм мен терроризм терминдерінің белгілерін, таралу себептерін, алдын алудың бүгінгі күннің өзекті мәселесі екенін ұғындыруды мақсат еткен шараға «Һибатулла Тарази» медресесінің ұстазы Амангелді Ембергенов қатысып, асыл дін төңірегінде ой қозғады.

         – Дінді үйренуіміз қажет, бірақ кімнен діни сауат ашып жатқанымызға мұқият болуымыз керек. Бірінші кезекте мешіттегі имамдардан немесе медресенің ұстаздарынан үйренген жөн болады. Ал енді іштеріңізде діни бағытта оқимын деген ниеттеріңіз болса, Білім министрлігі тарапынан арнайы рұқсатпен ашылған медреселер де бар. Құранда «қандайда бір кісі біреуді өлтірсе, ол әлемдегі бүкіл адамды өлтіргенмен тең, ал кімде-кім бір адамның тірі қалуына себепкер болса, онда ол әлемдегі бүкіл адамдардың тірі қалғанына себепкер болғанмен тең» делінген. Қазіргі таңда теріс діни ағымдар көбейіп кетті. Экстремизм бағытындағы адамдар елімізге де, болашағымызға да қауіпті, – дейді медресе өкілі. Келелі кездесуде жастар да сала маманына сақал қойып, хиджаб кию мен тұтастай қара жамылып киіну әдебі жайында сұрақтар жолдап, мол мәлімет алды. Сондай-ақ облыс әкімдігі дін проблемаларын зерттеу орталығының инспекторы Бахтияр Қаржаубайұлы да жастар санасына сілкініс салар әңгімелерін ортаға салды.

 

Шәмші А. Дін төңірегіндегі әңгіме [Мәтін] / А.Шәмші // JAMBYL-TARAZ.- 2018. – 15 маусым (№49).-8 б.

Comments

Кітап «карнавалы» әдебиет жауһарларымен таныстырды

 

Елбасының «Болашаққа бағдар: рухани жаңғыру» атты бағдарламалық мақаласынан туындайтын міндеттерді жүзеге асыруға бағытталған шаралар шеңберінде «Рухани қазына» кіші бағдарламасы бойынша қабылданған «100 кітап» жобасы аясында Д.А.Қонаев атындағы облыстық балалар мен жасөспірімдер кітапханасы «Әлем әдебиетінің жауһарлары» атты кітап карнавалын ұйымдастырды.

Кітапханада алдында бастау алған шарада Қазақстан Жазушылар одағының мүшелері, ақындар Үміт Битенова мен Бақытжан Әлімқұлов жиналған кітапсүйер қауымға, аудандардан келген кітапханашыларға, ұстаздар мен оқушыларға кітаптың аса бағалы байлық екенін айтып, оларды кітап оқуға шақырып сөз сөйледі. Мұнан соң кітапхана директоры Гүлфайруз Іңкәрбекова бастаған топ Абай көшесін бойлап, Т.Рысқұлов атындағы саябаққа дейін жаяу жүріп өтті. Бір сәтте ертегі кейіпкерлеріне айналған ұстаздар мен оқушылар осы арқылы көпшілік көңілін кітап оқуға аударғысы келгендей. Бұл мақсаты орындалған да секілді. Алыстан көз тартқан аттылы күйме салтанатына жол-жөнекей жастар, мектеп оқушылары қосылды.

Аталған саябақтың жабық залында балаларға арналған қызықты шара өтті. 100 кітап көпшілік назарына ұсынылды. Бұл ретте әлемдік классиктердің шығармалары, отандық және жергілікті ақын-жазушылардың балаларға арналған кітаптары таңдалды. Саябақта балалармен бірге қызықты ойындар ойналып, би биленді. Төменгі сынып оқушыларына тәттілер мен балмұздақтар таратылды. Шараны ұйымдастырушылар кітап білім байлығы екеніне мән беріп, балаларды әдеби шығармалар оқуға шақырды. Бұл жерде оқушылардың аса белсенділік танытқанын айта кеткен жөн. «Біз карнавалды көшеден көріп қосылдық. Қызығып кеттік. Осы шараға қатысып, үлкен әсер алдық. Кітап оқуға құштарлығымыз артты», - дейді тараздық оқушылар Аяулым Әсембекова мен Аяна Сықақова. Балалар бұл күні өздерінің сүйікті Алдар көсе, Қаңбақ шал, қасқыр, жеті лақ, қызыл телпек, қожанасыр секілді ертегі кейіпкерлерімен қауышып мәре-сәре болды.

Жиын соңында осы шараға белсене қатысқан Шу аудандық балалар кітапханасы жеңімпаз атанса, Сарысу және Т.Рысқұлов аудандарының кітапханашылары екінші, үшінші орындарды бөлісті.

 

Досалы Е. Кітап «карнавалы» әдебиет жауһарларымен таныстырды [Мәтін] / Е.Досалы // Ақ жол.- 2018. – 22 мамыр (№58).-4 б.

Comments

Өнегелі кеш өтті

 

Алғыс айту күніне орай Д.Қонаев атындағы Жамбыл облыстық балалар мен жасөспірімдер кітапханасы қалалық жұмыспен қамту және әлеуметтік бағдарламалар бөлімімен бірлесе «Ризашылық пен алғыс» өнегелік кешін өткізді.

 

Кешке мүмкіндігі шектеулі 20 азамат қатысып, көктемнің алғашқы күнімен тұспа-тұс келген мереке жайында кеңірек ақпарат алып, адамдар арасындағы жақсы қарым қатынастың берік сақталуы қажеттігіне қанықты. Сондай-ақ аталмыш тақырыпта кітапханадағы рухани байлық беретін көрнекті қазақ жазушыларының шығармалары насихатталды.

Шара барысында қатысушылар кітапханаға саяхат жасап кітапхананың жұмысымен танысты. Кітапханада қойылған «Достық пен береке», «Арман қала – Астана», «Рухани жаңғыру – болашаққа жарқын жол!», «Ризашылық пен алғыс» тұрақты кітап көрмелеріне библиографиялық шолу жасалды. Ал шараға келген қонақтар да құр алақан келмей, өз өнерлерін көрсетті. Концерттік бағдарламамен жалғасын тапқан кеште қонақтардың көңілі серпіліп, Елбасының саясатына әрдайым қолдау білдіретіндігін айтып, кітапхана қызметкерлеріне алғыстарын білдірді. Сонымен қатар, қонақтар үшін арнайы мерекелік дастархан жайылып, әлеуметтік сала қызметкерлері мен кітапхана ұжымы зейнеткерлерге зор алғыстарын білдірді.

 

Бекетқызы Т. Өнегелі кеш өтті [Мәтін] / Т. Бекетқызы // Жамбыл-Тараз.- 2018.- 7 наурыз (№19-20).-13 б.

Comments

«Артық білім кітапта»

 

Жаһандану дәуірімен бірге қоғамдық қатынастардың барлық саласына компьютердің дендеп еніп жатқандығы жасырын емес. Бұл-уақыт талабы. Бірақ, теледидар да, ғаламтор да қазыналы кітаптың орнын алмастыра алған жоқ. Кітап өзінің әу бастағы туғырында қала береді. Қай кезде де адам тұрақты теледидар қараушы немесе белсенді ғаламтор қолданушысы болып келуі мүмкін. Алайда, оның жан дүниесінде рухани тұрғыдан жұтаңдық бірден байқалуы ғажап емес. Мұның жалғыз себебі оның нашар оқырман екендігінде. Себебі, кітап – қазыналы рухани байлықтың қайнар көзі. Ол – бұқара халық үшін ғасырдан ғасырға қызмет етіп келе жатқан ғылым мен білімнің, құдіретті сөз өнерінің өміршең туындысы.

Уақыт тұрғысынан алғанда кітап ғаламтордан ұтылуы мүмкін, бірақ адамға дайын ақпараттарды ұсынушы емес, терең тағылым мен білімге, өзіндік ойлауға, сезінуге үйрете отырып, тәлім береді. Адамды ізденімпаздыққа жетелейді, ой-өрісін ұштайды. Сонымен бірге өскелең ұрпақты, қажет десеңіз ересек оқырмандардың өзін шешендік өнерге баулиды. Өйткені, ол – тіл байлығын қалыптастырушы құрал. Сондықтан оның тәлім-тәрбиелік, имани құндылықтарды адам бойына сіңіре алатындай қасиеті теледидар мен интернеттен әлдеқайда жоғары тұратыны, ешқашан мән-маңызын жоймайтыны анық.

Бүгінде өскелең ұрпақтың кітап оқуға құштарлығының артып келе жатқаны көңіл қуантады. Мәселен, Жамбыл облыстық Д.А.Қонаев атындағы балалар мен жасөспірімдер кітапханасына келушілер саны 2016 жылы 55 126 оқырманды құраса, 2017 жылы бұл көрсеткіш 55 744-ке жетіп отыр. Бұл жердегі біздің басты мақсатымыз - қасаң сандарға жүгіну емес. Соңғы кездері оқырмандарымыздың артып кемел келешекке жетелейтін жолды кітаптан іздеушілердің көбейгеніне тоқталып, одан әрі көбеюіне ықпал ету.

Елбасы Нұрсұлтан Әбішұлы Назарбаев ұрпақтар сабақтастығы бағытында айтылған ұлағатты сөзінде «Дәстүрлі мәдениетті жаңғырту, өз халқының тарихи тәрбиесіне жүгіну, Тәуелсіздікке ие болған елдің өмірінен алатын заңды құбылыс. Мұның ар жағында қоғамдық сананың қалыптасуы, ұрпақ тәрбиесі сияқты үлкен міндеттер жатыр», - деген болатын. Шынында да, жаһандану заманында халқымыздың ғасырлар бойы жинақтаған бай тәжірибесін, рухани құндылықтарын өскелең ұрпақтың санасына сіңіріп, ойына дарыту, бұл ұлттық патриотизмді өрістетіп, халқымыздың салт-дәстүрін, әдет-ғұрпын танып-білуге септігін тигізері анық. Ал, осы құндылықтардың жинақталатын орны, рухани ошағы – кітапхана екені белгілі.

Руханият ордасына айналған кітапханамыз жыл сайын облыс оқырмандарына мүлтіксіз қызмет жасап келеді. Облысымыздың барлық аудандық, ауылдық кітапханаларына әдістемелік көмек көрсету мақсатында «Кітапханашы этикасы», «Жоспарлау және есеп», «Кітапхана құжаттары», «Көпшілік іс-шараларының түрлері», «Кітап көрмесінің жаңа түрлері», «Анықтамалық-ақпараттық қор», «Библиографиялық анықтамаларды орындау», «Өлкетану жұмысы», «Каталогтар, картотекалар жүйесі», «Кітап қорын толықтыруды ұйымдастыру» тақырыптарында теориялық және тәжірибелік сағаттар жүйелі ұйымдастырылуда.

Сондай-ақ, кітапхана – мемлекеттік саясатты қолдаушы бірден-бір мекеме болғандықтан, Елбасы Жолдауларын, узақ мерзімді даму стратегиясын, Қазақстан Республикасының мәдени-саясатының тұжырымдамасын негізге ала отырып, өскелең ұрпақтың бойында жоғары патриоттық сананы қалыптастыру, адам құқықтары мен бостандықтарын құрметтеуге тәрбиелеу – біздің басты міндетіміз.

Мәселен, ауқымды іс-шаралар қатарында Елбасының «Болашаққа бағдар: рухани жаңғыру» атты бағдарламалық мақаласы аясында қазақтың көрнекті ақыны Ескен Елубаевтың 75 жылдығына орай «Әлемді кітап арқылы танимын» атты облыстық байқауы өткізілді. Сондай-ақ, «100 кітап» жобасы негізінде «Туған жер-туған ел», «Бір кітапты бір мерзімде оқу», «Көркем сөз жұлдыздары» атты тағылым-тәрбиеге толы кештер уйымдастырылды.

Кітапхана ұжымы өз ұстанымынан ешқашан айныған емес. Бұл тұрғыда біз Д.А.Қонаев есімін ұлағат тұта отырып, өскелең урпаққа қызмет ете беретін боламыз.

«Кітапсыз үй жансыз дене тәрізді» деп Цицерон айтқандай, онсыз білімді, тасы өрге домалаған өркениетті қоғамды елестету мүмкін емес. Сондықтан жамбылдық жас оқырмандарды ақыл-ойға қуат беретін кітаппен абзал дос болуға, Болашағы жарқын Мәңгілік еліміздің іргетасын іліммен, біліммен берік етіп қалауға шақырамын.

 

Іңкәрбекова Г. Артық білім - кітапта [Мәтін] / Г. Іңкәрбекова // Арай.- 2018.-01 наурыз (№9).- 12 б.

Comments

Әлем әдебиетінің жауһарлары

АУДАНДЫҚ МӘДЕНИЕТ ҮЙІНДЕ ЖАҢАТАС ҚАЛАЛЫҚ БАЛАЛАР КІТАПХАНАСЫНЫҢ ҰЙЫМДАСТЫРУЫМЕН «РУХАНИ ЖАҢҒЫРУ» БАҒДАРЛАМАСЫ, «РУХАНИ ҚАЗЫНА» КІШІ, БАҒДАРЛАМАСЫ ЖОБАЛАРЫ МЕН ІС-ШАРАЛАР ЖОСПАРЛАРЫНДА БЕКІТІЛГЕН «100 КІТАП» ЖОБАСЫ АЯСЫНДА «ӘЛЕМ ӘДЕБИЕТІНІҢ ЖАУҺАРЛАРЫ» АТТЫ КІТАП КАРНАВАЛЫ ӨТКІЗІЛДІ. КЕШТЕ АУДАНДЫҚ ОРТАЛЫҚ КІТАПХАНАСЫНЫҢ ДИРЕКТОРЫ С.ҚОЖАНАЗАРОВА СӨЗ СӨЙЛЕП, АШЫП БЕРДІ.

Шара барысында адам баласының бүкіл, ғұмырындағы ең сенімді және ең сабырлы серігі – кітап деп және 60 қазақ әдебиетінің, 40 әлем әдебиетінің классикасы, оның ішінде 20 - ағылшын, 20 - орыс әдебиеті қамтылғанын әр туынды өзінің түпнұсқа тілінде оқылатыны жайлы «кітаптар инсталляциясында» танытылып айтылды. Сонымен қатар, 9 кітап бойынша жасалған кітап инсталляциясын кітапхана меңгерушісі А.Қойлыбекова кіріспе бөлімінде айтып, насихаттады. «100 кітап» жобасына енген Н.В.Гогольдің «Ревизор» комедиясы таңдап алынып, «Жалғыз да бірегей комедия тұлғасы» әдеби коллаж өткізді. Кітапхана оқырманы Д.Сатыбекова Н.Гогольдің «Классика – өмірімнің серігі» атты шығармашылығына тоқталды. Сонымен қатар, «Ревизор» комедиясындағы кейіпкерлер Дуанбасы, Христиан Иванович, Амос Федорович, Артеми Филиппопич, Лука Лукич образында кітапхана оқырмандары сахналық қойылым қойып, көрермендерді күлкіге кенелтті.

Сондай-ақ, жазушыға арналған ақындардың өлеңдерін оқыды. «Скрудж» әні караоке арқылы хормен шырқалса, кітапхана оқырманы Аужан Аружан скрипкамен этюдтер орындап, кеш шырайын ашты. «Гогольді сүйеміз-Гогольді танимыз» сұрақ -жауап ойынын ойнап кітапхана қызметкері М.Қасымбекова көрермендердің білімін арттырды. «Жан біткен Гоголь шығармаларындағы» кейіпкерлер бейнесін Ш.Уәлиханов атындағы мектеп-гимназиясының 9-сынып оқушысы Т.Сыздықбаева таныстырды.

Жиын соңында кітапхана қызметкері Н.Қиясова «Ашылмаған құпиялар иесі – Гоголь» кітап көрмесіне библиографиялық шолу жасады.

 

Есқараев С. Әлем әдебиетінің жауһарлары [Мәтін] / С.Есқараев

// Сарысу.- 2018.-21 ақпан (№22).- 4 б.

Comments

Тілдерді ауыстырғыш

Біз Интернетта:

Рухани жаңғыру