детско - юношеская библиотека

2 –сәуір Халықаралық балалар кітабы күні

«Кітап – ғажайып әлем»

сыр сандық

 

Д.А.Қонаев атындағы Жамбыл облыстық балалар мен жасөспірімдер кітапханасы 2 сәуір – Халықаралық балалар кітабы күніне орай, «Кітап ғажайып әлем» тақырыбында сыр сандық интеллектуалды-танымдық ойынын өткізді.

Іс-шараға №13 балабақшаның «Құлыншақ» және «Айгөлек» тобының бүлдіршіндері қатысты. Бүлдіршіндердің кітапқа деген қызығушылығын арттыру мақсатында «Жаңбырлы кітап көрмесі» және «Ертегілер әлемі» кітап көрмелері жасақталды. Көрмеге «Балаларға базарлық» топтамасынан қызықты, жаңа кітаптар мен қазақ халық ертегілерінің және мультсериалдардың кейіпкерлері қойылды.

Шара барысында кітапханашы жас оқырмандарды кітапхана мен жаңа түскен әдебиеттерді насихаттады, кітаптың шығу тарихымен таныстырды.

Кітапханаға келген жас оқырмандар ертегілер әлеміне еніп, кітапхана қорындағы жаңадан түскен «3D кітап», «Сиқырлы кітап», «Ашылмалы кітапша», «Балаларға базарлық» серияларымен шыққан кітаптарды тамашалап, өте риза болды. Кітапханашы «Ертегілер әлемі» атты арнайы жасалған слайд арқылы әртүрлі ойындар ойнатты. «Алдар Көсе», «Әли мен Айя» мультфильмдерінен үзінділер көрсетілді. Кішкентай оқырмандар өздерінің кітап туралы өлеңдерін және әндерін айтып, билерін билеп, көтеріңкі көңіл-күйде тарқасты.

joomlamodniyportal.ru