Жамбыл облыстық балалар мен жасөспірімдер кітапханасы

Әзімбек Жанқұлиевтың туғанына – 60 жыл «Алты Алаштың ақыны» еске алу кеші

Оқырмандарға тұлғаның өмірі мен өнер жолы туралы тереңірек түсінік бере отырып, тәрбиелік мәні мен оның тарихын таныстыру, елін, жерін, халқын сүюге тәрбиелеу мақсатында Әзімбек Жанқұлиевтың туғанына – 60 жыл толуына орай «Алты Алаштың ақыны» еске алу кеші ұйымдастырылды.

⠀

Іс-шарада ақынның қаламынан туған жыр шумақ өлеңдерін №8 гимназиясы оқушысы-Бекбосын Алима мәнерлеп оқыды. ТИГУ I курс білімгері Бердібек Балқия Әбдімомын Желдібаевтың «Ерке сылқым» күйін орындаса, № 51 орта мектеп оқушысы Баялы Диана «Бір үйдің баласындай» әнін орындады.

Еске алу кешіне арнайы шақырылған қонағымыз Есет Досалы Жаңабайұлы айтыскер ақынның жүріп өткен жолдарын, қазақ айтысында өшпес із қалдырғанын, қаламгерлікті қатар алып жүргенін айтып өтті.

Айтыскер ақынның өнеріне арналған бейнебаян ұсынылып, фото көрме ұйымдастырылды. Іс-шара №8 гимназиясы оқушыларымен сұрақ-жауап жүргізіліп, қорытыланды. Оқырмандар өздеріне қажетті мәлімет алып, қатысушыларға арнайы алғыс хаттар берілді.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/index.php/kz/?start=312#sigProGalleria88d6dcd4a7

Comments

М.Әуезовтың туғанына – 125 жыл! «Қазақ әдебиетінің алыбы» сыр-сандық

Оқырмандардың ой-өрісін, рухани жан дүниесін байыту, сөздік қорын молайту, көркем əдебиетке деген қызығушылығын арттыру мақсатында «Қазақ әдебиетінің алыбы» сыр-сандық өтті. Сыр-сандықта жазушының проза, драма, ғылым, аударма саласында жазып қалдырған еңбектерінен жасырылған сұрақтарға оқырмандар қызыға жауап беріп, оның әңгімелері, романдары, пьесаларынан үзінді оқып, оқырмандар өздеріне керекті ақпаратты алды. Көркем сөздің шыңына шығып, соңына мәңгі өлмес мұра қалдырған әлемге әйгілі жазушыны дәріптеу – біздің абыройлы міндетіміз деп танимыз.

Жазушының шығармаларына жасалған кітап көрмесімен таныстырылып, библиографиялық шолу жасалды.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/index.php/kz/?start=312#sigProGalleria940932a9dd

Comments

«Кітап-сарқылмас рухани әлем» буккросинг

«Kitap Time – 2022» кітап фестивалін бір мезгілде барлық өңірлерде өткізу акциясы аясында «Aq jol» газетінің 100 жылдығына орай «AulieataMedia» ЖШС ұжымымен «Кітап-сарқылмас рухани әлем» тақырыбында буккросинг өтті.

Кітапхананың кіреберіс дәлізінде күй ойнатылып, ұлттық киім киген балалар кеш қонақтарын салтанатты түрде қарсы алды. Жамбыл облысы әкімдігінің мәдениет, архивтер және құжаттама басқарма басшысының орынбасары Мәдиева Сара Қабылбекқызы алғы сөз айтып, құттықтады. «Шабыт» балалар би студиясы көркем бимен іс-шараның кіріспесін толықтырса, кітапханашылар дайындаған «Ғасыр жүгін арқалаған басылым», «Көркем сөздің жұлдыздары» өлкеміздегі тілшілеріміздің тыныс тіршіліктерін, өнегелі өмір жолдарын насихаттайтын бейнебаян ұсынылды.

Сұхбат айдарында қонақтарымыз оқырмандарға жылы лебіздерін білдіріп, ізгі ниетпен өз шығармаларын кітапханаға тарту етті. Тарту етілген шығармалар тек өңір қаламгерлерінен ғана емес, Қазақстан Республикасы премьер-министрінің жеке фотографы Шүкір Өмірұлы Шахай «Астана Қазақстанның жүрегі», «Тәуелсіздік» атты кітаптарын «AulieataMedia» ЖШС-і басшысының орынбасары Қазыбаев Алпамыс табыс етті.

Іс-шараға келген жас тілшілер (білімгерлер) қонақтарға көкейлерінде жүрген сұрақтарын қойды. «Aq jol» газетінің 100 жылдығына арналған инсталляция мен кітап көрмесіне шолу жасалды. Мектеп олимпиадаларын және мектептен тыс іс-шараларды өткізетін облыстық орталығының балалары қонақтарға арнап өлең шумақтарынан жыр төксе, мың бұралған бишілер биден шашу шашып, әндер орындады.

«Aq jol» газетінің бас редакторы - Хамит Есаман;
«AulieataMedia» ЖШС ұжымының қызметкерлері:
Марат Құлибаев, «Эканомика» бөлімінің меңгерушісі
Амангелді Әбіл. Шолушы
Алтынбек Қартабай «Арай» газетінің фото тілшісі
Гүлжан Рахман, «Әлеумет» бөлімінің меңгерушісі
Қамар Қарасаева, тілші
Шапағат Әбдір , тілші
Жарлықасын Дәулетов «Знамя труда» газетінің шолушысы

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/index.php/kz/?start=312#sigProGalleria881aaa1ec2

Comments

«Тілі басқа – тілегі бір, Жүзі басқа – жүрегі бір...» /викториналық кеш/

22 - қыркүйек «Қазақстан Республикасы халқының тілдері күні» мерекесіне орай, оқырмандарды өз ана тіліне деген сүйіспеншілігін арттыруға, өз тілін жетік біліп, құрметтеуге, өзге тілді білу үлкен жетістік екенін ұғындыру мақсатында «Тілі басқа – тілегі бір, жүзі басқа жүрегі бір...» тақырыбында викториналық кеш ұйымдастырылды.

Іс-шара барысында «Жасөспірімдерді тәрбиелеу орталығының» оқырмандары кітапханаға экскурсия жасап, Д.А.Қонаевтың мерейтойына арнайы жасалған «Ғасырдың – дара перзенті» көрмесімен танысты. Мақал-мәтелдерді жалғастырып, тіл туралы қойылған викториналық сұрақтарға жауап берді.

Белсене атсалысқан оқырмандарға кітапхана атынан кішігірім кәде сыйлар ұсынылды.